Plantun de Prouvènço

Pèr coumpara dos planto d'encò nostre

Bupleurum stellatum & Campanula rotundifolia subsp. rotundifolia

Bupleurum stellatum

Apiaceae Umbelliferae

Nom en français : Buplèvre étoilé.

Descripcioun :
Aquéu buplèvre trachis dins li roucas e li tepiero séusouso de mountagno. Èi mai coumun à l'uba de noste relarg. Se recounèis à si gràndis enflourejado qu'an de lòngui brateolo soudado e jauno. Li fueio soun longo e en lanço e parton de la baso que la cambo èi quàsi nuso. Lou fru de 4 à 5 mm, poulidet, porto de gròssi costo (vèire li fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 2,5 à 3 cm
Flourido : Estiéu

Sòu : Si
Autour basso e auto : 1200 à 2700 m
Aparado : Noun
Remarco : Endemico dis Aup
Juliet à avoust

Liò : Roucas - Tepiero roucaiouso - Champino
Estànci : Mountagnard à Aupen
Couroulougi : Ouroufito-Cèntre-Éuroupenco
Ref. sc. : Bupleurum stellatum L., 1753

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.